Erasmus Charter for Higher Education 2021-2027
Universiteti “Fan S. Noli” është mbajtës i Erasmus Charter for Higher Education (ECHE) 2021–2027, një certifikim i akorduar nga Komisioni Evropian që konfirmon përkushtimin e institucionit ndaj standardeve evropiane të cilësisë, transparencës, përfshirjes dhe bashkëpunimit ndërkombëtar në arsimin e lartë. Ky certifikim i mundëson universitetit pjesëmarrjen e plotë në Programin Erasmus+, duke krijuar mundësi për mobilitete akademike, projekte bashkëpunimi dhe zhvillim institucional në nivel evropian.
Nëpërmjet kësaj Karte, Universiteti “Fan S. Noli” angazhohet të zbatojë parimet e barazisë, mosdiskriminimit dhe gjithëpërfshirjes, duke garantuar akses të drejtë dhe të barabartë për studentët dhe stafin në të gjitha aktivitetet e lidhura me Erasmus+. Universiteti i kushton vëmendje të veçantë mbështetjes së personave me më pak mundësi, në përputhje me prioritetet e programit.
Në kuadër të zbatimit të ECHE, universiteti siguron:
- njohjen e plotë dhe automatike të krediteve ECTS të fituara gjatë periudhave të studimit ose trajnimit jashtë vendit;
- procedura të drejta, transparente dhe të dokumentuara për përzgjedhjen e pjesëmarrësve në mobilitet;
- informacion të përditësuar mbi programet e studimit, katalogun e kurseve dhe proceset e njohjes akademike;
- mbështetje për studentët dhe stafin para, gjatë dhe pas mobilitetit;
- promovimin e transformimit digjital, praktikave të qëndrueshme dhe angazhimit qytetar në përputhje me prioritetet e Programit Erasmus+.
Ndërkombëtarizimi përbën një nga objektivat strategjikë të Universitetit “Fan S. Noli”. Përmes Programit Erasmus+, universiteti forcon bashkëpunimin me institucionet partnere evropiane, nxit shkëmbimin e njohurive dhe praktikave më të mira, si dhe kontribuon në rritjen e cilësisë së mësimdhënies, kërkimit shkencor dhe zhvillimit profesional të studentëve dhe stafit.
Zbatimi i Erasmus Charter for Higher Education 2021–2027 dëshmon angazhimin e vazhdueshëm të Universitetit “Fan S. Noli” për të qenë pjesë aktive e Hapësirës Evropiane të Arsimit dhe për t’i ofruar komunitetit universitar mundësi ndërkombëtare që kontribuojnë në zhvillimin akademik, profesional dhe personal.
Më poshtë gjeni dokumentin e plotë të Erasmus Charter for Higher Education (ECHE) 2021–2027.
Erasmus Charter for Higher Education
Kodet me të cilat identifikohet Universiteti “Fan S. Noli” në kuadër të programit Erasmus +:
Erasmus + Code: AL KORCE01
OID (Organizational ID): E10167171
PIC (Participant Identification Code): 973496366
Rregullorja për Shkëmbimin e Studentëve dhe Stafit në Universitetin“Fan S. Noli” përcakton parimet, kriteret dhe procedurat për pjesëmarrjen në programet e mobilitetit ndërkombëtar, në veçanti në kuadër të Erasmus+. Kjo rregullore synon të promovojë ndërkombëtarizimin, barazinë e mundësive, transparencën dhe cilësinë në shkëmbimin e studentëve dhe stafit akademik e administrativ me universitetet partnere.
Regulation of Staff and Student Exchange
Guida e Mirëseardhjes është një dokument ndihmës për studentët dhe stafin ndërkombëtar që pritet të kryejnë mobilitet në Universitetin “Fan S. Noli”. Në të përfshihen informacione të rëndësishme mbi universitetin, jetën akademike, akomodimin, procedurat administrative, transportin dhe jetën në qytetin e Korçës, duke i ndihmuar stafin dhe studentët e huaj të përgatiten dhe të përfitojnë sa më shumë nga përvoja e tyre ndërkombëtare.
Dokumentin e plotë e gjeni si më poshtë:
Welcome Guide for mobility students & staff
Marrëveshje Ndër-Institucionale
Teodora Kita
tkita@unkorce.edu.al
Specialiste Projektesh
Sektori i Projekteve, Trajnimit Shkencor dhe Shërbimeve Terciare
Universiteti “Fan S. Noli”