Kolegji “Preca” është fituesi i edicionit IV të Olimpiadës “Rroke Shkencën” i organizuar nga “Laboratori i Dijes”, Universiteti “Fan S. Noli”.
Në datën 25 nëntor 2022, gjatë ceremonisë zyrtare u dhanë mjaft çmime në disiplinat e Matematikës, Anglishtes, Informatikës, Biologjisë, Kimisë, Fizikës, Shkencave Sociale, Gjuhës dhe Letërsisë, ku çdo shkollë u përfaqësua me 5 nxënës.
Përgëzime u përcollën në këtë ceremoni nga drejtuesit e Universitetit dhe pushtetit vendor për punën dhe përkushtimin e studentëve të “Laboratorit të Dijes” që nën kujdesin e veçantë të zëvendësrektorit për mësimin, dr. Arto Adili e sjellin suksesshëm për të katërtin vit me radhë këtë olimpiadë, në të cilën janë angazhuar pothuajse të gjitha shkollat e mesme të Qarkut, Korçë.
Ceremonia e ndarjes së çmimeve u zhvillua në Teatrin “Andon Z. Çajupi” me pjesëmarrjen e qindra nxënësve e mësuesve të tyre, për të cilët u përcollën falënderimet e drejtuesve të Universitetit për mbështetjen e vazhdueshme dhe angazhimin serioz në këtë olimpiadë që tashmë është kthyer në një traditë për Universitetin “Fan S. Noli”.
Albanian
English