Në datën 14 dhjetor 2022, përgëzimet më të mira për angazhimin maksimal dhe për paraqitjen dinjitoze në olimpiadën IV “Rroke Shkencën” morën sot edhe nxënësit e shkollës së mesme “Platon” në Korçë dhe “Muharrem Çollaku” në qytetin e Pogradecit. Stafi akademik i Universitetit “Fan S. Noli”, dekani i FE, prof. as. dr. Ledina Alolli, si dhe znj. Vinjola Rota, drejtor Rajonal i Arsimit Parauniversitar, Korçë shpërndanë Certifikatat e Vlerësimit për këta nxënës bashkë me urimin për suksese të mëtejshme së bashku me stafin e tyre pedagogjik.

Gjithashtu, urimet më të mira për këtë pjesëmarrje u ka përcjellë stafi ynë akademik, dekani i FEF, prof. as. dr. Jonela Spaho dhe zëvendësdekani i FSHNH, phd. Jordan Jorgji edhe nxënësve të shkollave “Skënderbeu”, Maliq dhe “Tafil Rexhepi”, Pirg.

Edhe në këto takime Universiteti ynë përcolli falënderime për nxënësit dhe mësuesit që e kanë mbështetur këtë nismë prej fillimit të saj, duke u përfaqësuar denjësisht, gjë të cilën e tregojnë edhe rezultatet e tyre në olimpiadat e ndryshme