Në datën 17 shkurt 2023, në kuadër të një turi bashkëbisedimesh me studentë për rëndësinë e informimit profesional mediatik gjatë katastrofave natyrore, në Universiteitn “Fan S. Noli” u zhvillua një bashkëbisedim me studentë të programeve “Master Profesioal” në “Mësues për Gjuhë Shqipe dhe letërsi” dhe “Mësuesi për Histori –Gjeografi”, si dhe të programit “Master i Shkencave” në “Kulturë, Media dhe Editim”. Të ftuara në këtë takim me studentët ishin gazetaret, e medias në Shqipaëri znj. Elja Zotka dhe znj. Ornela Joti, të cilat duke iu referuar faktit që në 3 vitet e fundit Shqipëria është goditur nga disa raste “krizash” e para e shkaktuar nga tërmetet, e dyta nga pandemia e Covid-19 dhe çdo verë dhe nga zjarret massive, një pjesë e mirë e njerëzve mendojnë se një rol të pazëvendësueshëm luan dhe media për menaxhimin e këtyre problemeve.
Informimi i bazuar mbi shpejtësinë dhe jo vërtetësinë në mjaft raste shkaktojnë panik dhe kjo u provua më qartë në rastin e pandemisë, ku lajmi i rremë shpesh shkaktoi jo pak “trauma” psikologjike tek publiku. Në këto kushte, trajnimi i studentëve të gazetarisë, që do të jenë nesër e ardhmja e gazetarisë në Shqipëri dhe jo vetëm është i rëndësishëm për informimin e drejtë dhe profesional të publikut.
Takimi u organizua në kuadër të projektit të Agjencisë për Mbrojtjen e Shoqërise Civile në bashkëpunim me përgjegjësen e departamentit të “Gjuhës dhe Letërsisë”, Universiteti “Fan S. Noli”.
Albanian
English