Vitit akademik 2025-2026 Bazuar në urdhërin nr. 433, dt. 4.9.2025 të Ministrisë së Arsimit dhe Sportit, Universiteti “Fan S. Noli” njofton hapjen e programit të studimit të ciklit të dytë “Master i Shkencave” në “Shkenca Bujqësore”.
Programi “Master i Shkencave” në “Shkenca Bujqësore” zhvillohet me kohëzgjatje 2 vite akademike (4 semestra), në gjuhën shqipe, me formë studimi me kohë të plotë.
Në përfundim të këtij programi studimi lëshohet diplomë “Master i Shkencave” në “Master i Shkencave” në Fakultetin e Bujqësisë.
Ky program studimi ofron mundësinë për të punuar në disa fusha si:
- Mësimdhënës/Asistent pedagog në fushën e shkencave bujqësore;
- Kërkues shkencor në fushën e bujqësisë pranë instituteve të kërkimit dhe universiteteve;
- Specialist në të gjitha nivelet e administratës në fushën e bujqësisë;
- Agronom/Specialist pranë fermave, kompanive bujqësore ose projekteve zhvillimore;
- Ekspert i zhvillimit rural në projekte kombëtare apo ndërkombëtare;
- Këshilltar për politikat bujqësore në ministri, bashki ose agjenci shtetërore;
- Përgjegjës i cilësisë dhe sigurisë ushqimore në kompani ushqimore ose laboratorë kontrolli;
- Ekspert i menaxhimit të burimeve natyrore, ujitjes e bujqësore në institucione publike dhe projekte zhvillimore;
- Inspektor i standardeve bujqësore në agjencitë shtetërore të kontrollit.
