Në datën 27 shtator 2022, në mjediset e Rektoratit u shpërndanë certifikata pjesëmarrje për studentët, të cilët përfaqësuan denjësisht Universitetin “Fan S. Noli” në veprimtarinë “Laboratori i Debatit Universitar–Nga fjala tek Veprimi-Edicioni III”. Certifikatat e pjesëmarrjes u shpërndanë nga zëvendësrektorja për shkencën dhe projektet, dr. Benita Stavre dhe nga specialisti i Qendrës së Karrierës dhe Alumnit, dr. Romeo Terolli.
Certifikata u shpërndanë me këtë motivacion: “Për angazhimin dinjitoz në veprimtarinë “Laboratori i Debatit Universitar–Nga Fjala tek Veprimi – Edicioni III”, për mbështetjen e pakushtëzuar në përmbushjen e veprimtarive edukative, për fuqizimin e rolit të të rinjve (studentëve) për të qenë qytetarë proaktivë, me mendim kritik e aftësi të të folurit në publik, për të nxitur kulturën e debatit, për gjallërimin e jetës studentore, për promovimin e vlerave qytetare, si dhe për ndërtimin e një mjedisi bashkëpunues e paqësor. Në shenjë falënderimi nga Rektorati, pedagogët dhe studentët e Universitetit “Fan S. Noli”
Studentët që përfaqësuan Universitetin “Fan S. Noli” janë” Joana Katundi, Gloria Nure, Anisa Rapi, Xhensilda Benga, Erjol Latollari, Xhimi Malkollari, Krenar Myrteza dhe Vasil Ciko.
Albanian
English