Në datën 15 dhjetor 2022, zëvendësrektori për mësimin, dr. Arto Adili dhe dr. Albina Pajo, përgjegjës i departamentit të Edukimit ishin mes nxënësve të shkollave “Gjergj Pekmezi” dhe “Nehemia”, Pogradec, si dhe në shkollën “Qemal Bazelli”, Çërravë. Ata falënderuan stafin dhe nxënësit, të cilët u bënë pjesë e olimpiadës IV “Rroke Shkencën”.

Po gjithashtu, gjatë takimeve mes tyre u fol për paraqitjen dhe nivelin e lartë të treguar nga nxënësit pjesëmarrës në këtë olimipadë, duke fituar edhe trofetë përkatës në disipina të veçanta. Zëvendësrektori dr. Arto Adili, i cili bashkë me disa studenetë të “Laboratorit të Dijes” janë nismëtarët e këtij organizimi, shprehu kënaqësinë që numri i nxënësve dhe shkollave pjesëmarrëse rritet nga viti në vit, duke vënë në dukje përgatitjen dhe aftësitë e shkëlqyera të të gjithë nxënësve që marrin pjesë në të.