Gjatë muajit prill 2026 stafi akademik i Universitetit “Fan S. Noli” i përbërë nga dr. Aida Mosko, prof. as. dr. Magdalini Vampa dhe dr. Anjeza Vila ishin me mobilitet mësimdhënieje në Universitetin “Jan Evangelkista Purkyne”, Çeki.

Drejtues të Fakulteti të Edukimit të këtij Universiteti mirëpritën stafin e UNIKO në disa takime, ku u diskutua për zhvillimin strategjik dhe ndërkombëtarizimin e të dy universiteteve.

Ndërkohë studentët e UJEP ndoqën leksionet e zhvilluara nga pedagoget e UNIKO kryesisht me fokus ndikimin e kulturës në drejtim dhe edukimin e nxënësve me nevoja specifike. Në këtë kuadër, stafi ynë vizitoi edhe disa shkolla fillore, duke parë nga afër procesin e mësimdhënies dhe punën për gjithëpërfshirje që zhvillohet në mjedisin edukativ çek.Stafi dhe studentët patën mundësinë për të ndarë përvojat me njëri-tjetrin, njëkohësisht edhe pritshmëritë e tyre për të vizituar edhe ata Universitetin “Fan S. Noli”.

Stafi ynë akademik mori pjesë edhe takimin që Ambasadori i Republikës së Shqipërisë në Republikën Çeke, z. Ilir Tepelena zhvilloi me staf akademik dhe studentë në kuadër të kurorëzimit me sukses të “Muajit të Kulturës dhe Gjuhës Shqipe” në “Jan Evangelkista Purkyne”, Çeki.