RETH FAKULTETIT
Fakulteti i Ekonomisë do të fillojë vitin akademik 2022-2023 në ambiente e rikonstruktuara me kushte bashkëkohore dhe me një standart që do të ndikojë pozitivisht në përgatitjen profesionale dhe akademike të studentëve .
Në mjediset e fakultetit të ekonomisë funksionon Biblioteka Shkencore, e cila ka një fond prej 5447 libra (në shqip dhe gjuhë të huaj) për fusha të ndryshme të studimit që lidhen me programet e studimit të fakultetit ekonomik. Fondi i librave dhe revistave është i klasifikuar sipas natyrës së departamenteve dhe fushave përkatëse të studimit. Librat që ofron kjo bibliotekë janë të ndyshëm në përputhje me kërkesat e programeve të studimit.
FE është bërë pjesë e bibliotekës elektronike të Institutit të Mikpritjes (Institute of Hospitality, IoH e-library https://www.instituteofhospitality.org/membership/who-are-you/student ) në tetor 2014, shërbim i cili vazhdon të ofrohet edhe tani, i sponsorizuar nga fondacioni “La Fondation pour la Formation Hôtelière” duke u futur në skemën “Education Membership Scheme (EMS)”. Kështu studentët e këtij fakulteti mund të regjistrohen dhe të shkarkojnë materiale dhe libra falas. Në kuadër të këtij projekti, FE ka pasuruar bibliotekën e fakultetit me një fond prej 179 librash të dhuruar nga fondacioni “Fondation Nestlé ProGastronomia”.
INFORMACIONET E FAKULTETIT:
Adresa:
Shëtitorja Rilindasit, Korçë, Shqipëri, 7001
Tel: +355 822 42201
Email: fekonomise@unkorce.edu.al
Orari Mësimor:
MISIONI DHE VIZIONI
Fakulteti i Ekonomisë iu ofron studentëve kushte për edukimin e tyre në përputhje me sfidat e Integrimit Europian për të formuar dhe përgatitur specialistët e ardhshëm që t’i përshtaten situatave konkurruese të tregut në zgjidhjen e problemeve ekonomike nëpërmjet zhvillimit dhe transmetimit të dijeve me anën e mësimdhënies dhe kërkimit shkencor.
Fakulteti i Ekonomisë funksionon si pjesë përbërëse e Universitetit ”Fan S. Noli” Korçë. Qëllimi afatgjatë i Fakultetit është përshtatja dhe përmirësimi i vazhdueshëm i programeve Bachelor dhe Master, me qëllim përgatitjen e profesionistëve të suksesshëm të biznesit, në kushtet e një zhvillimi dhe ndryshimi të shpejtë të gjithë shoqërisë. Fakulteti është i angazhuar të zhvillojë dhe të ruajë një reputacion të lartë akademik në shërbim të rekrutimit të studentëve sa më cilësorë.
Avantazh konkurrues i Fakultetit sot mund të konsiderohet kualifikimi i stafit dhe angazhimi serioz në mësimdhënie dhe kërkim shkencor, ndërkohë që duhet të shtojmë përpjekjet për rritjen e numrit të studentëve cilësorë si dhe rritjen e mbështetjes nga komuniteti i biznesit. Përmbushja e misionit varet nga përpjekjet e përbashkëta të të gjithë pedagogëve të Fakultetit.
VEPRIMTARI
NISMA PËR MBËSHTETJEN E START UP-VE PËRMES FINANCIMEVE DIREKTE NGA PALËT E TRETA U PREZANTUA PËR STUDENTË TË UNIKO NË KUADËR TË DITËS SË SIPËRMARRJES
URIMET MË TË MIRA, PËRGËZIME PËR REZULTATET E ARRITURA DHE SHUMË EMOCIONE SHOQËRUAN DITËN AKADEMIKE 2024 NË UNIVERSITETIN ‘FAN S. NOLI”
DEPARTAMENTI MARKETING-TURIZËM NË BASHKËPUNIM ME FONDACIONIN “LA FONDATION POUR LA FORMATION HOTELIERË” ORGANIZUAN NË MJEDISET E FE TRAJNIMET ME TEMË: “PRAKTIKAT E QËNDRUESHME NË DESTINACIONET SMART DHE MENAXHIMI I EVENTEVE” DHE “MIKPRITJA SMART”
REKTORI PRITI NË NJË TAKIM STUDENTËT PJESËMARRËS NË MARATONËN E TIRANËS
NË UNIVERSITETIN “FAN S. NOLI” U ZHVILLUA KONFERENCA SHKENCORE NDËRKOMBËTARE ME TEMË “FORMËSOJMË TË ARDHMEN: ENERGJIA DIELLORE DHE EDUKIMI I QËNDRUESHËM”
DISA NGA GJETJET E PROJEKTIT “VLERA E PRAKTIKËS SI ELEMENT I RËNDËSISHËM QË LIDH STUDENTËT ME TREGUN E PUNËS” U PREZANTUAN SOT NË NJË TAKIM TË ORGANIZUAR NË DEKANATIN E FAKULTETIT TË EKONOMISË
U ZHVILLUA NË UNIVERSITETIN “FAN S. NOLI CEREMONIA TRADICIONALE E FILLIMIT TË VITIT TË RI AKADEMIK 2024-2025
