Në kuadër të 8 Dhjetorit, Ditës Kombëtare të Rinisë, Universiteti “Fan S. Noli” në bashkëpunim me Fondacionin Kenedi dhe Institutin Jeta e Re (IJR) organizuan një minikampionat futbolli mes 4 ekipeve të Universitetit tonë dhe dy ekipeve me të rinj të qytetit.
Në finale dolën ekipet e vitit I dhe III të programit të studimit “Edukim Fizik dhe Sporte”, ku studentët e vitit të parë fituan kupën e këtij kampionati.
Studenti i vitit I të këtij programi studimi, Vangjel Filovani, doli golashënuesi më i mirë me 10 gola të shënuar.
Veprimtaria, e cila kishte si synim nxitjen e të rinjve për t`u marrë me veprimtari sportive, si dhe gjallërimin e jetës studentore do të pasohet nga të tjera bashkëpunime të kësaj natyre, duke angazhuar edhe me tepër studentë.
Ndërsa në datën 9 dhjetor 2022 në një tjetër takim të zhvilluar në mjediset e departamentit të Infermierisë, Fondacioni Kenedi dhe IJR shpërndanë për studentët sete me materiale për higjenë personale dhe doreza mjekësore për laboratorët e këtij Departamenti.
Albanian
English