Prej datës 14-25 korrik 2025, dy pedagoget e departamentit të Agroushqimit, Fakulteti i Bujqësisë, msc. Suela Lulollari dhe msc. Shegë Çeçi kryejnë këtë mobilitet në Universitetin e Milanos, Itali.

Ato ndodhen së bashku me kolegë të universiteteve partnere në këtë projekt, i cili synon zhvillimin e një programi inovativ të studimeve pasuniversitare në Shëndetin Publik Veterinar dhe Sigurinë Ushqimore në rajonin e Ballkanit Perëndimor,

Në takimet, trajnimet dhe leksionet e organizuara pjesëmarrësit jo vetëm ndajnë përvojat e vendeve nga vijnë, por edhe do të përfitojnë njohuri të reja në fushën e sigurisë ushqimore, njohuri që më pas do të vihen në funksion të veprimtarisë mësimore në universitetet përkatëse.