“Na keni bërë krenarë” me këto fjalë rektori i Universitetit “Fan S. Noli”, prof. dr. Dhimitri Bello u është drejtuar studentëve fitues në disiplinën e minifutbollit të Eliminatoreve të Kampionateve Kombëtare Universitare. Gjatë një takimi të zhvilluar në mjediset e Rektoratit, studentët të shoqëruar edhe nga pedagogu Pandush Tasellari treguan emocionet e kësaj përvoje të veçantë, ku pas një përfaqësimi dinjitoz i sollën Universiteit një tjetër trofe të merituar plotësisht.

Rektori vlerësoi arritjet e studentëve të Universitetit “Fan S. Noli”, të cilët kanë ditur të na përfaqësojnë në nivel kombëtar e ndërkombëtar. Njëkohësisht, ai shprehu gatishmërinë e tij dhe të institucionit që drejton për të qenë gjithmonë në mbështetje të iniciatvave studentore si në veprimtaritë akademike, ashtu edhe në ato sportive, të cilat e gjallërojnë edhe më tepër jetën studentore.