Në datën 7 dhjetor 2023, në mjediset e amfiteatrit të gjimnazit “Themistokli Gërmenji”, specialisti i Qendrës së Karrierës dhe Alumnit në Universitetin “Fan S. Noli”, dr. Romeo Terolli zhvilloi një orë të hapur me nxënës të klasave të XI-ta.

Në këtë orë të hapur u diskutua për rëndësinë dhe konceptet e orientimit dhe edukimit në karrierë, modelin e orientimit në karrierë, mënyrën se si realizohet ky proces orientimi, qartësimin i preferencave përgjatë shkollës së mesme për studimet universitare, paraqitja e studimit të preferencave të nxënësve të shkollave të mesme në qarkun e Korçës (studim i Fakultetit të Ekonomisë), identifikimin e interesave në karrierën e nxënësve, puna dhe karriera, kriteret e përzgjedhjes së një programi studimi (universiteti), oferta e tregut të punës, profesionet e reja etj.

Ora e hapur pati diskutime dhe nxiti interesin e nxënësve për t’u njohur më tepër me mundësitë e ofertës akademike brenda dhe jashtë vendit, kërkesat e tregut të punës dhe mundësitë që ofron ai në ditët e sotme.

Në përfundim të takimit dr. Romeo Terolli prezantoi edhe ofertën akademike që ofron Univeristeti “Fan S. Noli”, mundësitë e punësimit në tregun rajonal, kombëtar e global përmes diplomës së Universitetit tonë.