Në datën 25 mars 2024 autoritete drejtuese të Universitetit të Trakias, Bullgari dhe përfaqësues të Ambasadës së Republikës së Bullgarisë në Shqipëri u pritën në një takim në Universitetin “Fan S. Noli” nga zëvendësrektori për mësimin, dr. Arto Adili dhe drejtues e pedagogë të Fakultetit të Bujqësisë.
Qëllimi i takimit ishte vendosja e urave të bashkëpunimit dhe në këtë kuadër u panë mundësitë për vizita e shkëmbime të stafit dhe studentëve, për diploma të përbashkëta kryesisht në fushat e edukimit, ekonomisë, bujqësisë etj., si dhe për aplikime të përbashkëta në programet Erasmus+ dhe Horizon 20202.
Palët ranë dakord që hapi i parë i këtij bashkëpunimi të jetë nënshkrimi zyrtar i marrëveshjes për të vijuar më tej me propozime konkrete për përcaktimin e fushave në të cilat do të bashkëpunohet.
Gjatë diskutimit, dekani i Fakultetit të Bujqësisë, prof. as. dr. Gjergji Mero u ndal në disa prej programeve të studimit, të cilat ky Fakultet i ka të përafërta me programe të Universitetit të Trakias, ndërkohë që u diskutua edhe për mundësi bashkëpunimi në programe të doktoraturave.
Albanian
English