Në datën 3 shtator 2025 përfaqësues të stafit akademik nga Universiteti “Aldo Moro” i Barit, Itali zhvilluan një takim me struktura drejtuese të Rektoratit.

Ky takim vjen në kuadër të Health-Connect Partnership të projektit “Health Education and Advanced Learning Through Collaboration, Opportunities, Networking, and Educational Connections in Balkans and Asian Countries”, me Kod TNE23-00059 (në vijim “Projekti”), i financuar nga Ministria Italiane e Universitetit dhe Kërkimit në kuadër të Thirrjes për dhënien e fondeve për nismat Arsimore Transnacionale (TNE) të publikuar më 03/10/2023.

Ky takim u vlerësua mjaft frytdhënës nga të dy palët, mbështetur edhe mbi marrëveshjen e bashkëpunimit që Universiteti “Fan S. Noli”, UNIKO) ka nënshkruar me UNIBA, duke shprehur angazhimin për të bashkëpunuar përmes veprimtarive, si:

mobilitet studentor

mobilitet i stafit akademik

Gjatë bisedës u vendos fillimi i bashkëpunimit me Universitetin e Barit, jo vetëm në mobilitete të stafit e studentëve, por edhe në fushën e kërkimeve shkencore dhe doktoraturave të përbashkëta.

Këto nisma përfaqësojnë një hap të rëndësishëm drejt nxitjes së shkëmbimit të dijes, krijimit të rrjeteve ndërkombëtare dhe forcimit të bashkëpunimit akademik.