Në datën 24 mars 2023 në kuadër të bashkëpunimit që ka Universiteti “Fan S. Noli” me shkollat e mesme të qytetit ishin një grup nxënësish të gjimnazit me profil gjuhësor “Faik Konica”, të cilët të shoqëruar edhe nga mësuesja e letërsisë, znj. Entela Petro vizituan mjediset e Bibliotekës Shkencore të Universitetit “Fan S. Noli”.

Të rinjtë janë njohur me fondin e kësaj biblioteke, profilin e librave që ky fond disponon, përshtatjen e bibliotekës ndaj risive, rolin e bibliotekës si faktor socializues për të rinjtë etj.

Nxënësit u shprehën të gatshëm për organizime të përbashkëta në zhvillimin e veprimtarive të karaktereve te ndryshme si letrare, vullnetare, te çështjeve të ndryshme sociale si dhe me karakter shkencor.