Departamenti i Shkencave Sociale, Departamenti i Matematikës, Departamenti i Edukimit dhe Filologjisë
Drejtues i projektit: Dr. Denisa Titili
Kohëzgjatja: 7 muaj
Viti 2025
Qëllimi i projektit: Përmbushja e nevojës për studimin dhe njohjen e dukurisë së migrimit potencial të banorëve nga rajoni i Korçës. Të sigurohet një njohje e tendencave për migrim të banorëve dhe kryesisht të rinjve nga rajoni i Korçës, e bazuar në të dhëna konkrete të besueshme, të siguruara përmes një metode shkencore siç është anketimi.
Objektivat Specifikë të projektit:
- Të identifikohen përmasat e migrimit potencial në rajon.
- Të identifikohen arsyet dhe motivet që shtyjnë banorët dhe të rinjtë të planifikojnë apo të përgatiten për të migruar.
- Të njihen karakteristikat e migrantëve potencialë (sipas grupmoshës, gjinisë, nivelit të arsimimit, statusit të punësimit, statusit martesor etj.)
- Të identifikohet plani për kthim në vendlindje pas përmbushjes së projektit të tyre migrator në një të ardhme të afërt apo të largët.
- Të analizohet si migrimi potencial mund të impaktojë zhvillimin e rajonit.
- Të ndërtohet një sistem i integruar i mbledhjes së të dhënave rreth migrimit potencial dhe pasojave të tij që mund të lejojë ndërmarrjen e studimeve më të thelluara në të ardhmen.
- Të ndihmojë institucionet vendore, biznesin, palët e interesit dhe aktorët socialë në planifikimin e politikave të qëndrueshme (në përputhje me treguesit e identifikuar) dhe menaxhimin e pasojave që mund të sjellë ky migrim në të ardhmen për rajonin.