Në datën 7 qershor 2025, Me qëllim forcimin e marrëdhënieve mes këshillave studentore të universiteteve, në kuadër të “Forumit të Përbashkët të Këshillave Studentorë” Këshilli Studentor i Universitetit “Fan S. Noli” zhvilloi një vizitë në Universitetin “Ismail Qemali” Vlorë, ku  nënshkruan edhe marrëveshjen e bashkëpunimit midis tyre.

Sipas presidentes së KS, UNIKO, Fjorela Bajraktari kjo marrëveshje me karakter konsultativ dhe mbështetës synon bashkëpunim në frymë partneriteti për:

– Krijimin e një “Forumi të Përbashkët të Këshillave Studentorë”

– Shkëmbimin e ideve, përvojave, informacionit dhe mbështetjen e nismave me interes të përbashkët

– Koordinimin e aktiviteteve etj.

Të pranishëm në këtë vizitë ishin edhe dekania e FEF, prof. as. dr. Jonela Spaho, dekania e FE, prof. as. dr. Ledina Alolli, si dhe pedagogët prof. as. dr. Gjergji Mero e dr. Ilir Shyta, të cilët gjatë diskutimeve me stafin dhe studentët theksuan rëndësinë që kanë takime të tilla për të krijuar ura bashkëpunimi për projekte të përbashkëta që mbështesin përfaqësimin studentor, nismat dhe përvojat e tyre universitare.

Po gjatë kësaj vizite, studentët të gjithë së bashku vizituan mjediset e kampusit të Universitetit të Vlorës,  muzetë, si dhe zhvilluan veprimtarisportive të përbashkëta.

.