Në datën 8 tetor 2023, Fakulteti i Bujqësisë i Universitetit “Fan S. Noli” mori pjesë në Panairin e Vjeshtës të organizuar në fshatin Dvoran nga Bashkia Korçë.
Sipas dekanit, prof. as. dr. Gjergji Mero stenda e Fakultetit të Bujqësisë paraqiti ofertën akademike që ofron ky fakultet për vitin akademik 2023-2024.
Pedagogët e pranishëm në panair biseduan me të rinjtë, por dhe me të interesuarit e tjerë pranë stendës sonë në lidhje me programet e studimit që ofron ky fakultet në të tri ciklet, si dhe për punën praktike që kryhet në laboratorët me standarde bashkëkohore që ndodhen në Fakultetin e Bujqësisë.
Sipas dekanit, pro. as. dr. Gjergji Mero, Fakulteti i Bujqësisë me një përvojë mbi 50-vjeçare në fushën e shkencave bujqësore ofron eskpertizën e tij jo vetëm për studentët, por edhe për fermerët e rajonit të Korçës e më gjerë. Këtë e dëshmojnë më së miri edhe bashkëpunimet e herëpashershme dhe veprimtaritë e përbashkëta që zhvillon me institucione, biznese dhe fermerë të cilët kërkojnë asistencë nga stafi i këtij fakulteti.
![](http://172.16.0.23/wp-content/uploads/2023/10/WhatsApp-Image-2023-10-11-at-11.31.02-1-1024x768.jpeg)
![](http://172.16.0.23/wp-content/uploads/2023/10/WhatsApp-Image-2023-10-11-at-11.30.55-1024x768.jpeg)
![](http://172.16.0.23/wp-content/uploads/2023/10/WhatsApp-Image-2023-10-11-at-11.31.02-4-1-1024x768.jpeg)
![](http://172.16.0.23/wp-content/uploads/2023/10/IMG-82874303849fb9e9f300e659f22a81a9-V-1024x768.jpg)
![](http://172.16.0.23/wp-content/uploads/2023/10/IMG-8d6f22f12cdd5e90b192dc814b822192-V-1024x768.jpg)
![](http://172.16.0.23/wp-content/uploads/2023/10/IMG-a4fd794aedf667fe6537f73276bc7075-V-1024x768.jpg)
![](http://172.16.0.23/wp-content/uploads/2023/10/laboratori-i-Kimise.jpg)
![](http://172.16.0.23/wp-content/uploads/2023/10/lab.-bujqesie-1.jpg)