Në datat 23-24 janar, projekti HAWKING bëri bashkë ekspertë nga Universiteti i Madeirës (UMa) dhe Universiteti i Nikosias (UNIC) në një trajnim mbi kalimin dixhital gjithëpërfshirës. Pjesëmarrës nga Shqipëria, Mali i Zi dhe Bosnja dhe Hercegovina shqyrtuan dhe analizuan mjete dhe strategji inovative për të përmirësuar aksesueshmërinë në arsim.

Gjatë dy ditëve të trajnimit rreth 40 pjesëmarrës u fokusuan në çështjet si:

• mjetet teknike – Kuptimi dhe integrimi i zgjidhjeve dixhitale për gjithëpërfshirje;
• udhëzime për zbatim – Hartimi i protokolleve për një tranzicion dixhital të qetë.
• Trajnime bashkëpunuese – Sesione diskutimi dhe planet veprimi të përshtatura për secilin vend.
• Seanca plenare dhe hapat e ardhshëm – Ndarja e ideve dhe përcaktimi i veprimeve të ardhshme për progres të qëndrueshëm.

Kjo nismë, pjesë e Paketës së Punës 2, forcon angazhimin e përbashkët për të mbështetur studentët me aftësi ndryshe dhe për të kapërcyer hendekun dixhital.

Një falënderim i përzemërt u përcoll në takim për trajnerët dhe pjesëmarrësit që kontribuan në shkëmbimin e njohurive dhe inovacionin në Ballkanin Perëndimor.