6 profesorë nga Fakulteti i Shëndetit Publik, Kujdesit Shëndetësor dhe Sportit, Universiteti Jugperëndimor “Neofit Rilski”, Blagoevgrad, Bullgari vizitiuan Universitetin “Fan S. Noli” në kuadër të programit Erasmus +.

Asoc. prof. phd. Miglena Simonska, dekane e Fakultetit të Shëndetit Publik, Kujdesit Shëndetësor dhe Sportit dhe drejtuese e Departamentit të Kinesiterapisë; asoc. prof. phd. Mariela Filipova, zëvendësdekane e Fakultetit të Shëndetit Publik, Shëndetësisë dhe Sportit;

asoc. prof. phd Daniela Lekina, përgjegjëse e departamentit të Sportit; asoc.  prof. phd Dimitar Tomov, lector; asoc.  prof. phd. M.D. Ekaterina Mitova, lektor dhe asistent. prof, phd Anton Mançev, lektor përgjatë një jave në UNIKO zhvilluan takime me stafin dhe orë të hapura mësimore në departamentet e Infermierisë dhe departamentin e Edukimit.

Në këto orë të hapura stafi akademik nga Universiteit Jugperëndimor “Neofit Rilski”, Blagoevgrad, Bullgari së bashku me kolegët e UNIKO ndërthurën metoda të mësimdhënies, duke u krijuar mundësinë studentëve të bëhen pjesë e leksioneve të zhvilluara në auditor dhe të praktikës në terren.

Konkretisht studentët e departamentit të Infermierisë u bënë pjesë e leksionit, ku u trajtuan tema mbi terapitë okupacionale dhe logopedike, ndërsa studentët e programit të studimit Edukimit Fizik dhe Sporteve morën pjesë në leksione të hapura në disiplinat gjimnastikë dhe atletikë.