Në datat 19-21 maj 2023, u realizua pilotimi i dy moduleve të trajnimit mbi sipërmarrjen për mësuesit e ciklit të ulët dhe parashkollor dhe për mësuesit e arsimit të mesëm të ulët dhe të mesëm të lartë të arsimit parauniversitar. Modulet e trajnimit u realizuan nga lektoret prof. as. dr Mirela Cini dhe prof. as. dr. Aida Gabeta.
Modulet e trajnimit mbi sipërmarrjen, u ofruan nga Qendra e Formimit të Vazhduar, në kuadër të projektit EntrAL me mbështetjen e Programit të Bashkimit Evropian Erasmus +. Projekti ka si qëllim të rrisë ndërgjegjësimin sipërmarrës në institucionet arsimore shqiptare, duke synuar të sjellë një mendim sipërmarrës në nivelet universitare dhe shkollore, si dhe duke nxitur metodat e mësimdhënies sipërmarrëse dhe sjelljen sipërmarrëse.
Për dy modulet e ofruara u tregua mjaft interes nga mësuesit e të gjitha niveleve të arsimit parauniversitar, duke përmbushur edhe një nga objektivat kryesorë të moduleve që ishte rritja e mendimit sipërmarrës në nivelin institucional përmes trajnimit të mësuesve.
Albanian
English