4 nëntor 2025- Programi i Trajnimit Pedagogjik të Mësimidhënies së Kombinuar (BEWBU 2025) përfundoi me sukses. I koordinuar nga dr. Sanna Ruhalahti dhe dr. Jiri Vilppola nga Universiteti i Shkencave të Aplikuara i Tampere-s, nisma bashkoi stafin akademik dhe studentët nga universitetet e Ballkanit Perëndimor për të forcuar kompetencat e tyre pedagogjike dhe ato dixhitale.

Një ndër arritje kryesore të trajnimit ishte dhënia e distinktivit dixhital të bazuar në kompetenca “Ekspert i Pedagogjisë Dixhitale dhe të Kombinuar”. Ky distinktiv njeh zyrtarisht aftësinë e pjesëmarrësve për të hartuar dhe ofruar kurse të mësimit hibrid me cilësi të lartë, për të integruar pedagogjinë dixhitale dhe për të aplikuar metoda inovative të vlerësimit.  Të 27 pjesëmarrësit fituan këtë distinktiv dixhital, duke demonstruar angazhimin e tyre për të zhvilluar arsimin e kombinuar brenda institucioneve të tyre.

Pas përfundimit të këtij trajnim tani fokusi zhvendoset në zbatim. Stafi akademik i porsa trajnuar do të fillojë të ofrojë kurset e arsimit të kombinuar që kanë hartuar, duke aplikuar njohuritë e tyre në kontekste reale mësimdhënieje. Ata gjithashtu do të zhvillojnë dhe përsosin materiale mësimore në përputhje me modelet pedagogjike të kombinuara. Për më tepër, këta mësimdhënës të arsimit të lartë do të luajnë një rol kyç në ndërtimin e kapaciteteve institucionale duke trajnuar kolegët e tyre në universitetet e tyre, duke nxitur kështu një kulturë të qëndrueshme të të nxënit dixhital dhe të kombinuar.

Urime u përcollën për të gjithë përfituesit e distinktivit dixhital për arritjet e tyre të jashtëzakonshme. Projekti BEWBU, i bashkëfinancuar nga Programi Erasmus+ i Bashkimit Evropian, vazhdon të mbështesë transformimin dixhital të arsimit të lartë përmes njohjes së bazuar në kompetenca dhe zhvillimit profesional bashkëpunues.