23 prill 2024-Studentë të Fakultetit të Bujqësisë, të cilët po vijojnë praktikat mësimore në kuadër të bashkëpunimit që Universiteti “Fan S. Noli” ka me projektin SRDII-GIZ, Kompania GOPA-AFC GmbH, prej disa ditësh janë duke asistuar procesin e rrallimit në fermat e prodhimit të frutave në rajonin e Korçës.

Aktualisht, ata janë duke përcaktuar pemët e kontrollit në pemëtore dhe po kryejnë matje të diametrit të frutave për të përcaktuar kohën më të përshtatshme për procesin e rrallimit.

Gjithashtu po përcaktohen tufat e frutave që do të jenë aspekt kontrolli për suksesin e këtij procesi, i cili ka për qëllim prodhimin e frutave në madhësinë dhe cilësinë e duhur.

Nga ana tjetër edhe stafi akademik i Fakultetit të Bujqësië, Universiteti “Fan S. Noli” po asiston me këshilla ekstensioni grupe fermerësh.

Studentët shprehen se praktika që janë duke zhvilluar është një përvojë dhe mbështetje e madhe për zhvillimin e kapaciteteve të tyre si specialistë të ardhshëm.