Në datën 4 prill 2025, projekti shkencor “Burimet ujore në rajonin e Korçës: vlerat mjedisore, turistike dhe shëndetësore” me financim e AKKSHI-it dhe i zbatuar nga Universiteti “Fan S. Noli”, Korçë – UNIKO ‘, në partneritet me shoqatën “Korça Alpin” u ndal në Bashkinë e Devollit për të prezantuar rezultatet e Liqenit të Prespës së Vogël dhe Burimin e Devollit.

Në një auditor me specialistë, mësues, studentë, nxënës e qytetarë, studimi u paraqit në disa plane, si: mbledhja e të dhënave në terren (marrja e kampioneve të ujit), analizat laboratorike, vlerat dhe kujdesi shëndetësor, konstatimi i vlerave mjedisore, ndërhyrja e njeriut dhe përshkrimi i potencialit turistike, si dhe pyetësorë e intervista nga komuniteti!

Një nga gjetjet e studimit ishte vlera e jashtëzakonshme e përmbajtjes së ujit në rrjedhjen e sipërme të lumit Devoll dhe ekosistemi që krijon, por edhe një kujdes në përdorimin e tyre. Për këtë u rekomandua shpallja si Monument Natyre.

Takimi vazhdoi me diskutime e sugjerime nga të pranishmit.

Në një moment të dytë rezultatet do të prezantohen dhe botohen për një publik më të gjerë nga Universiteti ‘”Fan S. Noli”.