Në datën 4 maj 2023, në mjediset e Universitetit “Fan S. Noli” u zhvillua workshopi me temë: “Sfidat në mësimdhënien e historisë dhe të gjeografisë në shkollat e Arsimit Parauniversitar” i organizuar nga departamenti i Historisë dhe Gjeografisë, Fakulteti i Edukimit dhe Filologjisë.
Në fjalën e tyre përgjegjësi i këtij Departamentri, phd. Metin Venxha dhe dekania e FEF, prof. as. dr. Jonela Spahoi falënderuan mësuesit dhe pedagogët e pranishëm në këtë takim, ku ndër të tjera u shkëmbyen mendime dhe përvoja në lidhje me çështjet që u hodhën për diskutim, si:
Sa përputhen njohuritë në disiplinat e historisë dhe gjeografisë me nivelin moshor dhe psikologjik të nxënësve?
Sa i përgjigjen tekstet shkollore formimit të nxënësve me kompetencat e duhura për njohjen e disiplinave të Historisë dhe Gjeografisë?
Cilat janë mangësitë më të theksuara të nxënësve në lëndët histori dhe gjeografi, veçanërisht lidhur me historinë dhe gjeografinë e Shqipërisë dhe të trojeve shqiptare?
Çfarë duhet bërë më shumë lidhur me përgatitjen shkencore të mësuesve në fushën e histori-gjeografisë?
Vështirësitë që hasin mësuesit në mësimdhënien e historisë dhe të gjeografisë etj.
Albanian
English