“NJË DITË PËR GJUHËN TONË”–VEPRIMTARI E ORGANIZUAR NGA BIBLIOTEKA SHKENCORE E UNIKO NË BASHKËPUNIM ME SHKOLLËN 9-VJEÇARE “MËSONJËTORJA E PARË SHQIPE” NË KUADËR TË DITËS NDËRKOMBËTARE TË GJUHËS AMTARE

Në datën 22 shkurt 2021, Biblioteka Shkencore e Universiteti “Fan S. Noli” në bashkëpunim me shkollën 9-vjeçare “Mësonjëtorja e Parë Shqipe” organizuan veprimtarinë: “Një ditë për gjuhën tonë” në kuadër të Ditës Ndërkombëtare të Gjuhës Amtare. Në këtë veprimtari, ku morën pjesë nxënës të kësaj shkolle, profesori dhe studiuesi i gjuhës shqipe, hartuesi i disa fjalorëve dhe botimeve të tjera në këtë fushë, prof. dr. Ali Jashari dhe pedagogu i gjuhës shqipe në Universitetin e Korçës, Olger Brame biseduan me nxënësit rreth njohurive që ata kanë për gjuhën tonë amtare. Ata u ndalën edhe në tekstet shkollorë të gjuhës shqipe dhe të lëndëve të tjera, ku nxënësit hasin vështirësi për shkak të mënyrës së hartimit të tyre si p.sh: ndërtimet e gabuara të fjalive, gabimet drejtshkrimore, përdorimi i fjalëve të huaja etj., për të cilat sollën shembuj konkretë nga puna që zhvillojnë në klasë dhe në shtëpi. Në këtë ditë profesor Ali Jashari përcolli mesazhin se gjuha jonë nuk është e vështirë, por u takon mësuesve, pedagogëve dhe hartuesve të teksteve, që të tregohen më të kujdesshëm në hartimin e teksteve shkollore. Gjithashtu nxënësit recituan disa poezi kushtuar gjuhës shqipe të përzgjedhua në kuadër të kësaj dite.

Më pas, nxënësve pjesëmarrës iu dhurua libri i profesor Ali Jasharit: “Fjalor me shprehje të huazuara në gjuhën shqipe”. Në fund të veprimtarisë ata vizituan stendat e Bibliotekës Shkencore të Universitetit të Korçës, ku u njohën me një pjesë të botimeve për gjuhën shqipe.

Previous Post
FAKULTETI I EKONOMISË I UNIKO NË BASHKËPUNIM ME DEPARTAMENTIN E SHKENCAVE EKONOMIKE TË “ALBANIAN UNIVERSITY” ZHVILLUAN KONFERENCËN KOMBËTARE STUDENTORE ME TEMË: “IMPLEMENTIMET MENAXHERIALE NË MODELET E REJA TË TË BËRIT BIZNES”
Next Post
THIRRJE PËR PJESËMARRJE NË KONFERENCËN SHKENCORE NDËRKOMBËTARE “PERSPEKTIVA E INTERGRIMIT TË BALLKANIT PERËNDIMOR NË BE”, PRISHTINË 23-24.04.2021

Accesibility Adjustments

Choose the right accessibility profile for you
OFF ON
Highlight Links Highlights all the links on the site!
OFF ON
Pause Animations Animations will be paused on the site!
OFF ON
Dyslexia Font Dyslexia Font will be applied on the site!
OFF ON
Hide Images All images will be hidden on the site!
Choose the right accessibility profile for you
Adjust Font Sizing
Default
High Saturation
High Contrast
Light Contrast
Dark Contrast
Adjust Letter Spacing
Default
Adjust Line Height
Default
Speak Mode
Align Center
Align Left
Align Right