Hapet thirrje për mobilitet studentësh në Universitetin Aldo Moro të Barit, Itali

Në kuadër të projektit E+ICM COMMO IX, Universiteti Aldo Moro i Barit ka hapur thirrjen për mobilitete studimi për semestrin e dytë të vitit akademik 2025-2026.

Mobilitetet në gjuhën angleze për studentët e masterit në “Mësues i Matematikës dhe Informatikë-Fizikës”, “Cilësia dhe Siguria Ushqimore” dhe “Sistemet Moderne të Telekomunikacionit dhe Teknologjitë e Internetit” mund të realizohen për një periudhë 2 deri në 5 mujore në fushat e mëposhtme akademike:

  • Shkenca kompjuterike;
  • Zhvillimi inovativ në sistemet e agro-ushqimit;
  • Fizikë.

Dokumentet e nevojshme:

  • Forma e aplikimit;
  • CV (max. 4 faqe);
  • Kopje e pasaportës;
  • Dëshmi e gjuhës angleze (niveli minimal B2);
  • Mesatarja e provimeve dhe krediteve të fituara;
  • Dëshmi e regjistrimit në universitet;
  • Përshkrim i detajuar i temës kërkimore (për studentët e doktoraturës).

Afati i nominimeve është data 15 tetor 2025.

Ju mirëpresim pranë Zyrës së Projekteve, Trajnimit Shkencor dhe Shërbimeve Terciare, Rektorati, kati II. Për pyetje të mëtejshme mund të na shkruani në: tkita@unkorce.edu.al.

Postimi i Mëparshëm
Hapet thirrje për mobilitet stafi në Universitetin Aldo Moro të Barit, Itali
Postimi Pasues
Mundësi për mobilitet akademik në Itali!