Në datën 29 mars 2025 ekipet sportive të djemve dhe vajzave të Universitetit “Fan S. Noli” morën pjesë në një seri ndeshjesh miqësore me ekipet sportive të Universitetit të Tiranës.

Sipas Fedaratës Shqiptare të Sportit Universitar, e cila organizoi këtë veprimtari sportive në bashkëpunim me UNIKO, përtej garave ajo që fiton mbi të gjitha është fryma e garës së ndershme dhe energjia e jashtëzakonshme në fushë.

FSHSU shprehu falënderime për Universitetin “Fan S. Noli” për bashkëpunimin dhe frymën mikpritëse.

Sipas FSHSU ky është vetëm fillimi pasi takimet e ardhshme do të jenë po aq energjike dhe miqësore me veprimtari që do të vijojnë me ndeshje të bukura dhe emocione që përcjellin studentët e të dy universiteteve.