Në datën 4 shkurt 2021, nxënës dhe mësues të Kolegjit “Preka” në Korçë organizuan një takim me rastin e ditës së Vëllazërisë mes Njerëzve, e caktuar nga Organizata e Kombeve të Bashkuara si dita ndërkombëtare për forcimin e paqes në botë dhe për bashkëjetesën mes njerëzve. Në takim ishin të ftuar pedagogët e Fakultetit të Shkencave Natyrore dhe Shkencave Humane të Universitetit “Fan S. Noli”, dr. Jordan Jorgji dhe dr. Eriseld Kalemaj. Në lidhje me temën e këtij takimi ata u ndalën në përshkrimin e dimensioneve filozofike dhe politike të bashkëjetesës fetare, si dhe në sfidat me të cilat përballen besimet në epokën e globalizmit. Gjatë debatit nxënësit dhe mësuesit pjesëmarrës, mes tyre edhe ish-studentja e FSHNH, Ina Kosta, sot mësuese pranë këtij kolegji, theksuan rëndësinë e mirëkuptimit ndërfetar dhe bashkëjetesës në shoqëri. Në fund të takimit pedagogët i ftuan nxënësit e këtij kolegji që, me përmirësimin e situatës nga pandemia Covid-19, të vizitojnë mjediset e FSHNH dhe të Universitetit të Korçës, ndërsa mësuesit, nëse dëshirojnë, mund të marrin pjesë në takimet që do të zhvillohen me stafin e fakultetit.
![](http://172.16.0.23/wp-content/uploads/2022/09/147367096_3355215127917740_753464023577197447_n.jpg)
![](http://172.16.0.23/wp-content/uploads/2022/09/147662864_3355215494584370_2821955743174653102_n.jpg)
![](http://172.16.0.23/wp-content/uploads/2022/09/147743514_3355215044584415_8412965762824483467_n.jpg)
![](http://172.16.0.23/wp-content/uploads/2022/09/148320108_3355215357917717_2200534925847887223_n.jpg)
![](http://172.16.0.23/wp-content/uploads/2022/09/148444326_3355215717917681_8410589540390478941_n.jpg)