Në datën 23 nëntor 2023 në kuadër të Ditës Ndërkombëtare të Filozofisë, departamenti i Shkencave Sociale në Universitetin “Fan S. Noli” organizoi seminarim me temë “Njeriu njëdimensional dhe sfidat e shekullit XXI”.
Kjo veprimtari kishte për qëllim të vendoste në qendër reflektimin për njeriun në shoqërinë e sotme dhe dinamikat e zhvillimit të tij nën ndikimin e shumë faktorëve socialë, kulturorë, psikologjikë, historikë, ekonomikë, politikë etj.
Organizimi i ditës së Filozofisë është kthyer tashmë në një traditë të përvitshme për departamentin e Shkencave Sociale, për për të nderuar reflektimet filozofike dhe për të inkurajuar njerëzit të ndajnë mendimet e tyre.
Këtë vit takimin e mirëpriti Biblioteka Publike “Thimi Mitko”, Korçë dhe në të morën pjesë pedagogë e studentë, si dhe nxënës të gjimnazit “Themistokli Gërmenji”.
Albanian
English