Në datën 24 janar 2025 departamenti i Gjuhëve të Huaja, Universiteti “Fan S. Noli” në bashkëpunim me Students’Hub “Think Tank” dhe Bibliotekën Publike “Thimi Mitko”, Korçë organizoi një veprimtari për të nderuar 75-vjetorin e ndarjes nga jeta të novelistit dhe poetit anglez George Orwell.

Pjesë e kësaj veprimtarie ishte leksioni i hapur me temë: “Përjetësimi i gjuhës së propagandës nga G. Orwell. Reflektim mbi “Animal Farm” dhe përkthimi i veprës në gjuhën shqipe” i mbajtur nga përgjegjësja e Departamentit, prof. as. dr. Eriola Qafzezi.

Ky takim shënoi një “udhëtim intelektual” përmes analizave rreth gjuhës së huaj dhe realitetit, manipulimit nëpërmjet propagandës, si dhe mesazheve të fuqishme të “Animal Farm”, duke i sjellë ato në kontekstin e përkthimit në gjuhën shqipe.

Studentët diskutuan, dhanë mendime të ndryshme e treguan interes në lidhje aktualitetin dhe ndikimin e vazhdueshëm të veprës.