Në datën 20 janar 2025 në kuadër të procesit të ndërkombëtarizimit të programeve të studimit që ofron Universiteti “Fan S. Noli”, studentët e programit të studimit Master i Shkencave në “Mësues i gjuhës angleze”, viti I, departamenti i Gjuhëve të Huaja zhvilluan një leksion nën drejtimin e pedagogeve prof. as. dr. Ligia Tomoiagă nga Qendra Universitare Veri Baia Mare, Universiteti Teknik i Kluzhit dhe prof. as. dr. Daniela Stoica, Universiteti “Fan S. Noli”.

Kursi u zhvillua në kuadër të bashkëpunimit ndërinstitucional midis UNIKO dhe Universitetit të Kluzhit në lëndën “Lirika muzikale në gjuhën angleze për fëmijë dhe të rinj”, një kurs bashkëkohor, i cili ka për qëllim midis të tjerave zhvillimin e aftësive gjuhësore në gjuhën angleze të nxënësit, zhvillimin e inteligjencës së tyre muzikore, ashtu edhe aspekte të diversitetit kulturor.