Në datën 21 prill 2022 në kuadër të bashkëpunimit të Universitetit “Fan S. Noli” me shkollat e mesme të rajonit të Korçës një grup pedagogësh e studentësh morrën pjesë si të ftuar në Panairin e Shkencës të organizuar në gjimnazin “Gjergj Pekmezi”, Pogradec. Në këtë panair pedagogët dhe studentët biseduan dhe ndoqën eksperimentet dhe demonstrimet e nxënësve të kësaj shkolle, të cilët prej disa vitesh bashkëpunojnë suksesshëm me Universitetin “Fan S. Noli” në zhvillimin e veprimtarive të ndryshme, ku një ndër to është Olimpiada “Rroke shkencën”.