Në datën 2 prill 2025 studentë të departamentit të Edukimit, Universiteti “Fan S. Noli” zhvilluan një veprimtari ndërgjegjësimi me rastin e Ditës Botërore për Autizmin, ku prezantuan projektin “Të rinjtë për një shoqëri gjithëpërfshirëse”.

Kjo veprimtari u organizua nga Universiteti “Fan S. Noli” në bashkëpunim me shoqatën MEDPAK në kuadër të këtij projekti që po zbatohet në partneritet me Bashkinë e Korçës dhe me mbështetjen e UNDP, si pjesë e programit “Askush të mos mbetet pas” / “Leave NO One Behind 2” që financohet nga qeveria zvicerane.

Studentët tanë janë angazhuar si vullnetarë në këtë projekt, duke shoqëruar të rinjtë me aftësi ndryshe në qytetin e Korçës. Ata sot në stendën e UNIKO përcollën mesazhe ndërgjegjësimi për Autizmin dhe Gjithëpërfshirjen.

Kësaj nisme iu bashkuan edhe Qendra Komunitare Maliq; Shërbimi Social, Bashkia Korçë; Qendra Ditore e Zhvillimit Atelie; Shkolla Profesionale Shërbime Korçë, Rrjeti Profesional i Mësuesve Ndihmës, DRAP, Korçë;  Shërbimi Psiko-Social, ZVA, Korçë etj.

Ndërkohë që, krahas ndërgjegjësimit, qëllimi i kësaj veprimtarie ishte edhe ngritja e vullnetarizmit si një e mirë për komunitetin dhe shoqërinë në përgjithësi. Në këtë kuadër, në stendat e Dorcas Albania dhe World Vision u bënë edhe regjistrimet e vullnetarëve të rinj.