Në datën 14 nëntor 2024 në kuadër të projektit Erasmus+ U2SID “Universiteti për Shoqërinë: Transformi Dixhital i Ballkanit Perëndimor”, në mjediset e Fakultetit të Ekonomisë, Universiteti “Fan S. Noli” u zhvillua një tryezë e rrumbullakët diskutimi.

Projekti synon përmirësimin e koncepteve, dokumentacionit dhe mundësive për përfshirjen e mjeteve, platformave dhe shërbimeve dixhitale që Universiteti mund të ofrojë brenda dhe jashtë veprimtarisë së tij akademike.

Diskutimi i kësaj tryeze, ku ishin të pranishëm përfaqësues të pushtetit vendor, institucioneve, studentë etj. u fokusua në paketën e punës që lidhet me pilotimin e shërbimeve dixhitale që Universiteti mund të ofrojë për palët e interesit në rajon dhe angazhimin e drejtpërdrejtë të stafit dhe studentëve në zgjidhjen e problemeve, apo sfidave me të cilat përballen  këto institucione apo biznese.

Propozimet e sjella në këtë tryezë do të shërbejnë si piketat kryesore të thirrjes që Universiteti do të hapë së shpejti për ide inovative nga ana e studentëve në bashkëpunim me pedagogët, nën këshillimin e ekspertëve të partnerëve evropianë në këtë projekt.