Në datën 28 mars 2025 në Universitetin “Fan S. Noli” u zhvillua një tryezë e rrumbullakët, e cila përmbylli veprimtaritë në kuadër të projektit kërkimor “Exploring the role of cohesive devices in ëritten academic essays in English and Albanian language”, i mbështetur nga READ – Research Expertise from the Academic Diaspora dhe financuar nga The_AADF.

Ky projekt kishte si synim analizimin e përdorimit të mjeteve kohezive në esetë akademike të studentëve në gjuhën shqipe dhe angleze.

Në këtë takim u ndanë ide dhe reflektime të vlefshme mbi mënyrat se si rezultatet e projektit mund të integrohen në modulet mësimore të shkrimit akademik dhe përkthimit, praktikën e vlerësimit të eseve, si dhe në ndërtimin e standardeve për kohezionin tekstual në të dyja gjuhët.

Në fund u ndanë edhe çmimet për esetë më të mira akademike:

Ersilja Sheno – vendi I

Joana Dudo – vendi II

Një falënderim i veçantë u përcoll nga kjo tryezë për READ dhe AADF për mbështetjen e tyre në nxitjen e kërkimit shkencor dhe vendosjen e lidhjeve të qëndrueshme me diasporën akademike.

Gjithashtu në këtë takim u promovua dhe botimi i një udhëzuesi praktik për përdorimin e mjeteve kohezive bazuar në shembuj autentikë nga esetë e studentëve.

Ky projekt shënon vetëm fillimin e shumë bashkëpunimeve të tjera për të forcuar kërkimin shkencor nëpërmjet studimeve krahasimore.