Në datën 16 tetor 2024 u zhvillua në mjediset e Fakultetit të Shkencave Natyrore dhe Shkencave Humane një leksion i hapur me temë kontrollin dhe parandalimin e kancerit të gjirit.  Mjekja Gerla Koleci dhe ekspertja e Kujdesit Paliativ, Irena Laska diskutuan me studentët, kryesisht të departamentit të Infermierisë në lidhje me kujdesin që gratë dhe vajzat duhet të tregojnë për shëndetin e tyre, veçanërisht për kancerin e gjirit, kontrollin dhe parandalimin në kohë të kësaj sëmundjeje.

Përgjegjegjësja e këtij Departamenti, dr. Elda Nuni falënderoi Qendrën “Mary Potter”, Korçë për këtë bashkëpunim, duke u ndalur edhe në rëndësinë që ka kujdesi paliativ në cilësinë e jetës së pacientit.

Takimi përcolli mesazhe të forta për të rritur vëmendjen dhe mbështetjen për ndërgjegjësimin, zbulimin e hershëm, trajtimin, si dhe kujdesin paliativ të kësaj sëmundjeje.