Në datën 11 tetor 2024 në kuadër të “Javës japoneze” u organizua veprimtaria me temë “Të njihemi me kulturën japoneze”, e cila erdhi si një bashkëpunim i departamentit të Shkencave Sociale pranë FSHNH; Qendra për Hapje dhe Dialog dhe Muzeu i Artit Oriental “Bratko”

E ftuar ishte pedagogia e sociologjisë, dr. Maria Dojçe, si dhe drejtoresha e Muzeut të Artit Oriental “Bratko” znj. Bojana Shukulli.

Kultura japoneze në kontekstin historik dhe bashkëkohor; bashkekzistenca e kulturës tradicionale me atë moderne ishin disa nga temat që u diskutuan në takimin, ku ishin të pranishëm edhe studentë të departamentit të Shkencave Sociale, të cilët treguan interes duke u drejtuar të ftuarve pyetje të ndryshme.

Takimin e përshëndeti edhe përgjegjësja e departamentit, dr. Suela Ibraimllari.