Në datën 21 tetor 2024 në mjediset e Rektoratit u prezantua projekti kombëtar “Sti(g)ma: Studim Krahasues i Stigmatizimit në Diskursin Mediatik në Gjuhën Shqipe dhe Angleze nëpërmjet Teknologjisë së Informacionit dhe Digjitalizimit”.
Sipas koordinatorës, prof. as. dr. Eriola Qafzezi, përgjegjëse e departamentit të Gjuhëve të Huaja, ky është një projekt ndërdisiplinor, i cili mbështetet nga AKKSHI (Agjencia Kombëtare e Kërkimit Shkencor dhe Inovacionit) dhe Universiteti “Fan S. Noli” dhe është miratuar si projekt fitues në Programin e Kërkimit dhe Zhvillimit për vitin 2024-2025.
Në prani të grupit të punës dhe palëve të interesuara solli me detaje disa nga pikat kryesore të projekti siç janë: qëllimi, objektvat, argumentimi shkencor etj.
Me theks, ajo u ndal në risitë e këtij projekti që lidhen me zbatimin e teknologjisë së informacionit dhe digjitalizimit në grumbullimin, trajtimin dhe analizimin e të dhënave, si dhe në ngritjen e korporave elektronike të krahasueshme në të dyja gjuhët. Gjithashtu, edhe në mirëqenien mendore dhe shoqërore, shmangien e stigmatizimit për grupe të caktuara, si dhe rrit ndërgjegjësimin në lidhje me qëndrimet shoqërore ndaj çështjeve të ndryshme.
Takimi vijoi me diskutime të ndryshme në lidhje me zbatimin e këtij projekti dhe veprimtarite që do të zhvillohen në këtë kuadër gjatë këtyre 2 viteve.
