Në datën 21 janar 2025 në mjediset e Fakultetit të Bujqësisë, z. Tomi Pikuli në emër të Fondacionit AgriNet, si ish-drejtues i tij dhuroi për bibliotekën e këtij Fakulteti një fond librash kryesisht me tematikë zhvillimet në fushën e bujqësisë, të cilat do t`u vijnë në ndihmë studentëve, pedagogëve dhe specialistëve të bujqësisë.

Gjatë takimit, ku ishin të pranishëm edhe dekani, prof. as. dr. Besnik Skënderasi dhe prof. as. dr. Gjergji Mero u theksua bashkëpunimi i hershëm dhe i frytshëm që FB ka patur ndër vite me Fonacionin AgriNet si në kuadër të veprimtarive dhe projekteve të përbashkëta, ashtu edhe në mbështetjen e ofruar për mobilitete dhe praktika profesionale të studentëve.