Në datën 10 prill 2025 në Universitetin “Fan S. Noli” u zhvillua tryeza e rrumbullakët me temë: “Vullnetarizmi: Vlerë e Shoqërisë”

Zëvendësrektori për kërkimin dhe shkencën, UNIKO, dr. Aida Mosko përshëndeti të pranishmit në takim, përfaqësues të Bashkisë Korçë, Dorcas Aid International Albani, World Vision Albania, MEDPAK, Misioni Emanuel, AKPA dega Korçë, Misioni LCIF, Korça Alpin, Rotaract Club Korça etj., duke i falënderuar për këtë bashkëpunim me Universitetin në organizimin e kësaj tryeze diskutimi me fokus vullnetarizmin.

I gjithë diskutimi u përqëndrua në nxitjen e bashkëpunimit për krijimin e një regjistri të përbashkët të vullnetarëve që do të jetë në funksion të institucionalizimit të tij si një mjet që do të ndihmojë për identifikimin e vullnetarëve në territorin e Qarkut të Korçës.

Po gjithashtu, do të ndikojë në ngritjen e kapaciteteve të vullnetarëve në fusha të ndryshme veprimtarish, në projektimin e vullnetarëve në komunitet dhe në tregun e punës, si kapital human me aftësi dhe vlera të çmuara për shoqërinë.