Në datën 28 tetor 2024 në mjediset e Universitetit “Fan S. Noli” u prezantua projekti “Eksplorimi i rolit të mjeteve kohezive në esetë akademike në gjuhën angleze dhe shqipe”, projekt i fituar në kuadër të programit READ dhe i drejtuar nga dr. Dorela Kaçauni dhe prof. as. dr. Eriola Qafzezi, departamenti i “Gjuhëve të Huaja”, në bashkëpunim me phd. Orkida Backus Borshi nga Universiteti Charles në Pragë.

Projekti ka në fokus mbledhjen dhe analizën e përdorimit të mjeteve kohezive në esetë akademike të studentëve në gjuhën angleze dhe përkthimet e tyre në shqip në Universitetin “Fan S. Noli”, Korçë.

Gjatë prezantimit të këtij projekti ishin të pranishëm staf akademik dhe të interesuar të tjerë.

Koordinatorja e projektit, dr. Dorela Kaçauni theksoi se veprimtaritë përfshijnë kërkimin bashkëpunues, mësimdhënien e përbashkët dhe zhvillimin e kurrikulave, me synimin që ekspertiza e studiueses së Diasporës të ndikojë në përmirësimin e cilësisë së shkrimit të studentëve në gjuhën shqipe dhe në gjuhën angleze.