Në datën 19 mars 2025 u zhvillua workshopi me temë: “Drejtim dhe ndërveprim: Praktika dhe diskutime për zhvillimin e aftësive në lidership”, i cili përmbylli veprimtaritë në kuadër të projektit LEA4SCHOOL, (Leadership in Education in Action). Ky projekt u zbatua nga një grup pedagogësh të Fakultetit të Edukimit dhe Filologjisë, Universiteti “Fan S. Noli” dhe u mbështet nga READ.

Workshop bëri bashkë drejtorë të certifikuar nga Shkolla e Drejtorëve, aspirantë, si dhe përfaqesues të grupeve të interesit, të cilët diskutuan rreth impaktit që ka Shkolla e Drejtorëve në Leadership.

Prezantimi i gjetjeve të projektit LEA4SCHOOL reflektoi punën serioze dhe impenjuese të grupit të punës, të cilët në fund do të dalin me një raport përfundimtar.

Rekomandimet e këtij projekti do të shërbejnë për përmirësimin e kurrikulës së Shkollës të Drejtorëve në dobi të përgatitjes së lidershipit në arsim me kompetenca praktike e menaxheriale për një shkollë sa më cilësore.