Në datën 17 maj 2024 ceremonia e shpërndarjes së Certifikatave të Pjesëmarrjes mbylli punimet e Akademisë Verore: “Ballkani në rrënjët e studimeve gjuhësore, letrare, historike dhe etnografike” i organizuar nga Universiteti “Fan S. Noli” në bashkëpunim me Universitetin “St. Cyril and St. Methodius”, Veliko Tarnovo, Universitetin “Aristoteli”, Selanik dhe Institutin “Goethe”, Tiranë.

Gjatë kësaj ceremonie, drejtuesit e UNIKO dhe stafi i angazhuar në këtë Akademi shprehën urimet më të mira për të gjithë studentët pjesëmarrës, nga të tre ciklet e studimit, ndërsa falënderime u përcollën edhe për të gjithë ata që bashkëorganizuan dhe e mbështetën këtë Shkollë Verore.

Falënderime edhe nga vetë studentët pjesëmarrës nga Kosova, Greqia, Bullgaria dhe Korça, të cilët e vlerësuan këtë Akademi si një përvojë shumë të vlefshme dhe njëkohësisht të veçantë për karrierën e tyre universitare.