Në datën 21 tetor 2022 në kuadër të bashkëpunimit ndërinstitucional u zhvillua një takim midis specialistit të Qendrës së Karrierës dhe Alumni-t UNIKO, dr. Romeo Terolli dhe drejtorit të NOA sh.a Korçë, z. Genti Miço.

Zhvillimi i praktikave të punës së studentëve e ish-studentëve të Universitetit tonë pranë këtij institucioni financiar synon përfitimin e një përvoje kualifikuese që ndikon në zhvillimin e kompetencave profesionale dhe personale të studentëve në tregun e punës.

Nga ana e tij, dr. Romeo Terolli shprehu mbështetjen për identifikimin dhe angazhimin e studentëve, të cilët mund të zhvillojnë praktikën mësimore pranë këtij institucioni financiar.

Ndërsa z. Miço garantoi krijimin e hapësirave për integrimin e studentëve në tregun e punës, duke shfaqur interes për punësimin e studentëve dhe Alumnit të UNIKO në NOA sh.a jo vetëm në qytetin e Korçës, por edhe në Progradec e Bilisht, kryesisht si oficerë kredie apo menaxher dege.  

Në takim u fol edhe për mundësitë e zhvillimit të veprimtarive të përbashkëta në kuadër të këtij bashkëpunimi.