Në datën 15 janar 2025 në mjediset e FSHNH, përfaqësues të Universitetit “Fan S. Noli”, Këshillit të Qarkut Korçë  dhe Agjencisë Turke për Bashkëpunim dhe Koordinim (TIKA) zhvilluan një takim me fokus bashkëpunimin në kuadër të realizimit të  projektit “Infrastruktura e Shkallëzuar e Përpunimit të të Dhënave për Hulumtim Bashkëpunues ndërmjet Fakulteteve të UNIKO”.

Në takim u theksua se pas zhvillimit me sukses të projektit “Nxitja e të Rinjve në Bujqësi dhe Mbështetja e Bletarisë Moderne në Qarkun e Korçës”, në bashkëpunim me Agjencinë Turke për Bashkëpunim dhe Koordinim (TIKA), këtë herë në fokus do të jetë teknologjia e avancuar dhe AI (Inteligjenca Artificiale), me qëllim zhvillimin rajonal dhe akademik.

Gjithashtu palët nënvizuan rëndësinë që do të ketë realizimi i këtij projekti në lidhje me përfshirjen e Inteligjencës Artificiale në bujqësi, ekonomi, mjekësi dhe kërkime ndërdisiplinore; në mbështetjen për pedagogë, studiues dhe studentë, si një hapësirë moderne që promovon bashkëpunimin dhe kërkimet inovative; në zhvillimin gjithëpërfshirës për rajonin, për përparimin e Korçës si qendër e rëndësishme kërkimore dhe ekonomike.