Nga data 8-11 prill 2025 projekti Erasmus+ “Blended Education in Western Balkans Universities” (BEWBU) organizoi seminarin mbi transformimin e arsimit të lartë në Ballkanin Perëndimor përmes integrimit të metodave inovative të mësimit të kombinuar (blended learning), në Universitetin e Shkencave të Aplikuara të Tampere-s (TAMK) në Finlandë.

Gjatë takimit, të gjithë partnerët e konsorciumit prezantuan gjetjet e tyre paraprake nga anketat e realizuara me studentë, profesorë dhe drejtues të universiteteve. Këto të dhëna ofrojnë një pasqyrë të vlefshme për të kuptuar më mirë nevojat, perceptimet dhe përvojat e atyre që janë të përfshirë në arsimin e kombinuar në institucionet pjesëmarrëse.

UNIKO u përfaqësua nga prof. as. dr. Jonela Spaho, prof. as. dr. Benita Stavre dhe dr. Albina Pajo.

Duke nxitur bashkëpunimin ndërmjet universiteteve në Ballkanin Perëndimor dhe Evropë, projekti siguron që studentët, mësimdhënësit dhe institucionet të jenë të përgatitur për format e reja të edukimit online.