Daugavpils University ka hapur thirrjen për dy mobilitete studentësh për semestrin e vjeshtës (shtator 2025-janar 2026) në kuadër të programit Erasmus+. Studentët pritet të qëndrojnë në Turqi për rreth dy javë me qëllim marrjen e vizës për në Latvi.
Përzgjedhja e kandidatëve kryhet nga vetë universiteti, i cili orienton edhe hapat e mëtejshëm të aplikimit në bashkëpunim me universitetin pritës.
Fushat akademike, të gatshme për zhvillimin e mobilitetit të studentëve në Daugavpils University, janë si më poshtë:
- Psikologji (BA & MA)
- Biologji (BA & MA)
- Shkencat e edukimit (MA & PhD)
- Kimi (BA & MA)
- Ekonomiks (BA&MA)
- Shkenca e menaxhimit (PhD)
- IT (BA)
Data 14 prill 2025 është afati i fundit për shprehjen e interesit për mobilitet.
Më shumë informacion rreth universitetit pritës mund të gjeni në lidhjen: Home > Daugavpils Universitāte.
Për të shprehur interesin tuaj për këtë mobilitet mund të paraqiteni në Zyrën e Projekteve, Trajnimit Shkencor, dhe Shërbimeve Terciare pranë Rektoratit, kati i dytë. Gjithashtu, mund të na drejtoheni në adresën e email-it: tkita@unkorce.edu.al.
Ju mirëpresim!