Në datën 6 nëntor 2024 në kuadër të bashkëpunimit të Universitetit “Fan S. Noli” me bizneset që operojnë në rajonin e Korçës, u zhvillua një takim me qëllim zgjerimin e bashkëpunimit në veprimtari të ndryshme studimore, praktika profesionale të studentëve dhe krijimi i hapësirave për punësimin e tyre, si dhe angazhime në projekte të përbashkëta me fokus bujqësinë.

Këto dhe të tjera diskutuan mes tyre specialistit të Qendrës së Karrierës dhe Alumnit, UNIKO, dr. Romeo Terolli dhe z. Gjergji Çibuku drejtues i kompanisë “Çibuku Shpk”, e cila operon në Korçë prej vitit 1996, në sektorin e bimëve medicinale dhe aromatike.

Në takimin z. Çibuku shprehu interesin e kompanisë së tij për organoizime tw pwrbashkwta ku tw përfshihen studentët dhe stafi i UNIKO. Në këtë kuadër, u nënvizua partneriteti i ngushtë midis të dy institucioneve dhe në veçanti me Fakultetin e Bujqësisë në sektorin e bimëve medicinale dhe aromatike. Duke iu referuar takimeve dhe tryezave të diskutimeve të organizuara nga ky Fakultete, z. Çibuku u ndal ndër të tjera edhe në rëndësinë e kultivimit të bimeve si molla e egër, apo dëllinja e zezë në zonën e Korçës, si edhe nevojën për studime nga ana e Fakultetit të Bujqësisë dhe rakordimin e sinergjive të përbashkëta për këtë sektor me potencial të lartë zhvillimi dhe angazhimi jo vetëm të biznesit por edhe të studentëve në to.